.
Annunci online

  JurnalidiSicilia [ Periodicu di notizi ‘n sicilianu ]
         

 

* * * * * * * * * *

Un populu,

diventa poviru e servu,

quannu ci arrobbanu a lingua

addutata di patri:

è persu pi sempri.

(Ignazio Buttitta)

 

**********

Picchì semu ca:

- pi difenniri 'a lingua siciliana

- pi falla canusciri

- pi falla rinasciri

 **********

 

 


21 settembre 2003

'U Guvernaturi si lassa iri a promettiri

U vuliti sapiri chi cosa promitti ‘u Guvernaturi d’a Sicilia Totò Cuffaru?


N’cà iti a taliari ‘u manifestu…


 




permalink | inviato da il 21/9/2003 alle 9:25 | Leggi i commenti e commenta questo postcommenti (1) | Versione per la stampa



21 settembre 2003

'u paccu

Cu avi l’età mia (57) s’aviss’arricurdari di quannu, ni l’anni ’50 arrivavanu i pacchi di l’America mannati d’i parenti di Brooklyn. Zii, cucini, frat’i nanni, emigrati n’u 30-40, parenti chi mancu si canuscìanu o chi nun si ricurdavanu chiù. Iddi sì, si ricurdavanu di nuatri; sapianu chi la guerra avia riduttu l’Italia sutt’un marciaperi e circavano d’aiutarini.

 

‘U paccu. ‘U pustinu lassava l’avvisu e me’ patri l’ia a ritirari a la Posta. Quannu turnav’a casa, tutt‘a famigghia si riunia attornu a ‘dd’oggettu misteriusu. Oddiu! misteriusu finu a ‘n certu puntu. Di dintra ‘u paccu niscianu sempri ‘i stessi cosi: magghiuna e cammisi chi ciaravanu ‘i naftalina e chi nuddu si mittia picchì troppu ‘americani’; carameli ‘tutti frutti’ chi però nun sapianu di nenti; diari d’a scola chi nun si putianu usari picchì scritti ‘ngrisi; scarpi fora misura.

 

Eppuru, ddu ritu collettivu chi me’ matri sapia dirigiri cu abili regia, ni tinia ‘mpegnati tutt’un pomeriggiu. Ni taliavamu cu attenzioni ogni cosa, rirennu di nuatri e d’i strani gusti d’i nostri luntani parenti. Poi sarvavamu tuttu aspittannu ‘u prossimu paccu.

 

Oggi n’avemu bisognu d’i pacchi di l'America: vistiti e scarpi nun ni mancanu. Anzi semu nuatri a mannalli: a’ puvureddi di Biagio Conte o a’ kossovari e all’africani.

Semu stanchi: sazi e troppu smaliziati.

A voti mi dumannu chi cosa aviss’a purtari a’ casa pi suscitari n’i me’ figghi ‘u stissu ‘ntusiasmu, pi scatinari ‘a stissa euforia.

‘U paccu di l'America è ‘nsostituibili.

Resta n’a me’ memoria ‘nsemmula a atri ricordi, chi svegghianu intra mia ‘a nostalgia di cosi persi pi sempri: ‘i banani somali nicareddi e ciavurusissimi; ‘u pani ‘i casa chi facia me’ nanna; l’aranci sanguinelli; ‘u paninu c’a frittata.

 E, picchì no! Puru ‘u Lassa e raddoppia in biancu e nivuru di Mike Bongiorno.

 




permalink | inviato da il 21/9/2003 alle 9:21 | Leggi i commenti e commenta questo postcommenti (1) | Versione per la stampa



19 settembre 2003

'A Liga Nord ama 'u Sud

Cu dici chi i ministri d’a Lega ci l’hannu c’u Sud si sbagghianu. Si parranu sempri a favuri d’a Padania è picchì s’hann’a teniri boni chiddi chi ci detturi i voti. Ma iddi sunnu ministri d’a Repubblica e di tutti l’italiani. Tant’è veru chi ‘u ministru Castelli parra puru n’sicilianu.

 




permalink | inviato da il 19/9/2003 alle 15:32 | Leggi i commenti e commenta questo postcommenti (1) | Versione per la stampa



18 settembre 2003

I Catacombi d'i Cappuccini

Si unn'aviti mai vistu i Catacombi d'i Cappuccini e siti curiusi di canuscilli, vi segnalu 'u situ chi fici iu (cu l'aitu di mia stessu). Pi sì e pi no vi dugnu 'u collegamentu:

Le Catacombe dei Cappuccini

Facitimi sapiri chi ni pinsati.

 




permalink | inviato da il 18/9/2003 alle 17:7 | Leggi i commenti e commenta questo postcommenti (1) | Versione per la stampa



16 settembre 2003

Miss Italia è na' siciliana

Nun ni putemu lamentari. Miss Italia fu fatta na’ siciliana. S’un fussi p’un pocu di disoccupazioni e quacchi mali anticu, si putissi diri chi ‘a Sicilia si trova bona. Comu dissi Pinu Carusu: ‘n Sicilia avemu tuttu; ni manca sulu ‘u restu.




permalink | inviato da il 16/9/2003 alle 9:31 | Leggi i commenti e commenta questo postcommenti (4) | Versione per la stampa



11 settembre 2003

Quannu 'a Storia diventa 'n'opinioni

U Premier Berlusconi stracancia 'a Storia sirvennusi di na' vecchia canzuni popolari siciliana:

 




permalink | inviato da il 11/9/2003 alle 18:11 | Leggi i commenti e commenta questo postcommenti (3) | Versione per la stampa



9 settembre 2003

Notizi frischi: VIP ‘ndagati a Pantelleria

Pantelleria divintò na’ vera e propria surgiva di notizi. L’ultima è chi sunnu ‘ndagati p’abusivismu ediliziu genti a vista comu l’ex ministru Visco, ‘u diretturi d’orchestra Riccardo Muti e l’atturi Gerard Depardieu. S’accattaru un dammusu e poi l’allargaru e ci costrueru ‘a piscina e ‘a scala ‘n petra lavica pi scinniri direttamente a mari. Cu ‘i tempi chi currinu e cu chiddu chi si senti, nun ficiru piccatu d’iri a l’unfernu. Maravigghia semmai chi è genti c’aviss’addari l’esempiu. E Depardieu vinni a fari in Italia chiddu chi ‘n Francia nun avissi fattu picchì ddà c’i dunanu n’i manu. Cà macari cu quattru sordi di condonu s’a virinu di l’astracu.

 

 




permalink | inviato da il 9/9/2003 alle 10:56 | Leggi i commenti e commenta questo postcommenti (3) | Versione per la stampa



3 settembre 2003

Notizi frischi - 'a TAC a Pantelleria ci à duna Armani

Giorgio Armani chi a Pantelleria è di casa picchì avi 30 anni chi ci passa i vacanzi e unu e dui è ‘dda, realò la TAC a lu Spitali di Pantelleria a spisi sui. Bravu Armani e grazi. Però, si permettiti n’osservazioni: chi fiura ci fici ‘a Regione Siciliana e l’Assessuratu Sanità. Aviam’aspittari Armani pi darici ‘a TAC a lu Spitali?

 




permalink | inviato da il 3/9/2003 alle 11:14 | Leggi i commenti e commenta questo postcommenti (2) | Versione per la stampa



1 settembre 2003

Gibilisco di Siracusa (Sicilia - Italia)

 Giuseppe Gibilisco di Siracusa è meraglia r'oru a Parigi n'u saltu cu l'asta. Ed è 'a prima vota chi l'Italia vinci na meraglia na stù sport.

Appena aiu tempu 'è fari n'elencu di tutti 'i primi voti unni è presenti 'a Sicilia: a cuminciari d'a Targa Florio ('a prima cursa di machini su strata).

A nuatri ni futtiu Tomasi 'i Lampedusa quannu scrissi chi 'u sicilianu nun cancerà mai picchì si criri perfettu. 'A frasi è bedda, ma nun currispunni a virità. Di contra nun c'è l'eguali d'u sicilianu pi volontà di canciari, pruvari cosi novi, spirimintari. Quali perfettu? anzi, forsi, si difettu avi 'u sicilianu è chi nun avi coscienza d'i propri meriti e si criri 'nferiuri.




permalink | inviato da il 1/9/2003 alle 9:54 | Leggi i commenti e commenta questo postcommenti (1) | Versione per la stampa



1 settembre 2003

Muriu Charles Bronson

Muriu Charles Bronson, n'atturi chi mi piacia assai. M'u ricordu n'i film 'Cosa nostra' e 'C'era una volta il West'. A picca a picca si ni stannu iennu tutti.




permalink | inviato da il 1/9/2003 alle 9:42 | Leggi i commenti e commenta questo postcommenti (1) | Versione per la stampa


sfoglia     agosto        ottobre
 


Ultime cose
Il mio profilo



Lingua siciliana
Le Catacombe dei Cappuccini
Palermo e dintorni
Meusa


Blog letto 1 volte

Feed RSS di questo blog Rss 2.0
Feed ATOM di questo blog Atom