.
Annunci online

  JurnalidiSicilia [ Periodicu di notizi ‘n sicilianu ]
         

 

* * * * * * * * * *

Un populu,

diventa poviru e servu,

quannu ci arrobbanu a lingua

addutata di patri:

è persu pi sempri.

(Ignazio Buttitta)

 

**********

Picchì semu ca:

- pi difenniri 'a lingua siciliana

- pi falla canusciri

- pi falla rinasciri

 **********

 

 


16 settembre 2003

Miss Italia è na' siciliana

Nun ni putemu lamentari. Miss Italia fu fatta na’ siciliana. S’un fussi p’un pocu di disoccupazioni e quacchi mali anticu, si putissi diri chi ‘a Sicilia si trova bona. Comu dissi Pinu Carusu: ‘n Sicilia avemu tuttu; ni manca sulu ‘u restu.




permalink | inviato da il 16/9/2003 alle 9:31 | Leggi i commenti e commenta questo postcommenti (4) | Versione per la stampa



9 settembre 2003

Notizi frischi: VIP ‘ndagati a Pantelleria

Pantelleria divintò na’ vera e propria surgiva di notizi. L’ultima è chi sunnu ‘ndagati p’abusivismu ediliziu genti a vista comu l’ex ministru Visco, ‘u diretturi d’orchestra Riccardo Muti e l’atturi Gerard Depardieu. S’accattaru un dammusu e poi l’allargaru e ci costrueru ‘a piscina e ‘a scala ‘n petra lavica pi scinniri direttamente a mari. Cu ‘i tempi chi currinu e cu chiddu chi si senti, nun ficiru piccatu d’iri a l’unfernu. Maravigghia semmai chi è genti c’aviss’addari l’esempiu. E Depardieu vinni a fari in Italia chiddu chi ‘n Francia nun avissi fattu picchì ddà c’i dunanu n’i manu. Cà macari cu quattru sordi di condonu s’a virinu di l’astracu.

 

 




permalink | inviato da il 9/9/2003 alle 10:56 | Leggi i commenti e commenta questo postcommenti (3) | Versione per la stampa



3 settembre 2003

Notizi frischi - 'a TAC a Pantelleria ci à duna Armani

Giorgio Armani chi a Pantelleria è di casa picchì avi 30 anni chi ci passa i vacanzi e unu e dui è ‘dda, realò la TAC a lu Spitali di Pantelleria a spisi sui. Bravu Armani e grazi. Però, si permettiti n’osservazioni: chi fiura ci fici ‘a Regione Siciliana e l’Assessuratu Sanità. Aviam’aspittari Armani pi darici ‘a TAC a lu Spitali?

 




permalink | inviato da il 3/9/2003 alle 11:14 | Leggi i commenti e commenta questo postcommenti (2) | Versione per la stampa



1 settembre 2003

Muriu Charles Bronson

Muriu Charles Bronson, n'atturi chi mi piacia assai. M'u ricordu n'i film 'Cosa nostra' e 'C'era una volta il West'. A picca a picca si ni stannu iennu tutti.




permalink | inviato da il 1/9/2003 alle 9:42 | Leggi i commenti e commenta questo postcommenti (1) | Versione per la stampa



30 agosto 2003

L'On Gianfranco Miccichè ci l'avi cu Camilleri

U deputatu Gianfranco Miccichè (vici ministru di l'Economia e Finanze) ci l'avi cu Andrea Camilleri. In un'assemblea pubblica chi si tinni a Ragusa dissi chi Camilleri fa fari mala fiura a l'Italia picchì è nemicu di la destra e parra sempri mali di Berlusconi: 'nsumma si nun è russu, picca ci manca. I paroli di Miccichè misiru 'n mbarazzu i presenti. Pinsati chi u sinnacu di Modica avi picca chi detti a cittadinanza onoraria a Luca Zingaretti e Camilleri è spissu 'nvitatu na la zona picchì ci firrianu i film di Montalbano. Cumunque, Camilleri. sintutu 'n propositu a la dichiarazioni di Miccichè dissi chi praticamenti si ni sta futtennu.

 




permalink | inviato da il 30/8/2003 alle 2:57 | Leggi i commenti e commenta questo postcommenti (2) | Versione per la stampa



28 agosto 2003

Notizi frischi cu culligamenti

 Oggi vi mannu na pocu di culligamenti cu articuli d'atri jurnali chi annu un sulu difettu: su' scritti n' italianu.

- D'a FIAT di Termini Imerese nesci 'a prima Restyling



- Zamparini nun lassa u Palermu: puru si 'a B 'a fannu a 60 squatri!



- Stannu a Lipari pi curari l'asma d'u figghiu


 


Ni viremu.


 




permalink | inviato da il 28/8/2003 alle 8:29 | Leggi i commenti e commenta questo postcommenti (2) | Versione per la stampa



24 agosto 2003

Notizi frischi - Berlusconi un voli essiri friscatu

Berlusconi dici chi un vosi iri a Verona (unni c'era 'n programma la Carmen cu la presenza di Prodi e di Schroeder) picchì seppi chi c'era organizzata na frisculiata contr'a iddu e un vulia chi si disturbassi u spettaculu. E finu a cà, veru o nun veru, facemu finta di cririci e macari di justificallu. Ma quannu poi jiunci chi la sinistra è illiberali picchì lu frischianu e chi a stampa ci l'avi cu iddu picchì munta li notizi, allura Berlusconi fa ririri puru i siddiati. A sensu d'iddu, avissir'a essiri tutti cuntenti pi chiddu c'à fattu u guvernu e dirici sempre chi è bravu. 'Nsumma, vulissi chi l'Italia divintassi na speci di manicomiu unni a Berlusconi si dici sempri di sì.




permalink | inviato da il 24/8/2003 alle 17:41 | Leggi i commenti e commenta questo postcommenti (3) | Versione per la stampa



22 agosto 2003

Fochi monachi a Pantelleria

 A Pantelleria si vittiru 6 fochi monachi chi natavanu vicinu a la spiaggia, unni c'è u Faru di Punta Spadillo. Gli esperti dicinu chi vennu di la Tunisia a circari acqui chiù frischi. 'Nsumma, pi stari megghiu, a tipu clandestini. Vo viriri chi ora fannu na liggi p'impidillu.




permalink | inviato da il 22/8/2003 alle 7:19 | Leggi i commenti e commenta questo postcommenti (1) | Versione per la stampa



20 agosto 2003

Notizi frischi

Notizi frischi - 19 austu 2003

 

- Na bona notizia: a la FIAT di Termini Imerese stamatina ripigghiaru a travagghiari. A la facci d’invidiusi d’u nord chi si rucculianu sempri di l’aiuti al sud e poi hannu avutu sempri i fabbrichi salvati cu i sordi di lu Statu.

 - Serie B a 21 (o macari puru a 24): iu a finiri a jocu. Ca, p’un dispiaceri a nuddu stannu preparannu un campionatu di B ca ‘n finisci mai. Ma cumunque: s’a virinu iddi.

 




permalink | inviato da il 20/8/2003 alle 0:44 | Leggi i commenti e commenta questo postcommenti (2) | Versione per la stampa



19 agosto 2003

Picchì semu cà

 * 19 austu 2003 *

Picchì semu cà


 Picchì mi pari chi na tuttu stu firmamentu d’internet, unni si parra ‘ngrisi e si fannu abbreviazioni, ni stamu scurdannu na lingua antica e nobile:

 la lingua siciliana.

E siccomu ci su’ tanti c‘a sannu ancora parrari e ‘a capiscinu, allura mi pari giustu ‘nfurmalli ‘n sicilianu.

Un v’aspittati granni cosi, picchì sugnu sulu e ci pozzu travagghiari quannu n’aiu atru chi fari. Comunque: chiddu chi cunta è cuminciari.

 

Niria

 

Scrittu dopu - Scusati quacch’erruri di stampa ma è u computer chi m’aggiusta i paroli senza chi ci dumannu nenti: a sensu d’iddu, l’aggiusta.

 



 



 




permalink | inviato da il 19/8/2003 alle 20:32 | Leggi i commenti e commenta questo postcommenti (4) | Versione per la stampa


sfoglia     agosto       
 


Ultime cose
Il mio profilo



Lingua siciliana
Le Catacombe dei Cappuccini
Palermo e dintorni
Meusa


Blog letto 1 volte

Feed RSS di questo blog Rss 2.0
Feed ATOM di questo blog Atom